Қазақстанның мемлекеттік қарызы бір тоқсанда 400 млрд теңгеге жетті
2026 жылғы 1 сәуірдегі жағдай бойынша Қазақстанның жалпы мемлекеттік қарызы 36,84 трлн теңге немесе 76,5 млрд доллар болды. Бірінші тоқсанда елдің міндеттемелері 36,44 трлн теңгеден 400 млрд теңгеге артқан.
Астана, NEGE. Қаржы министрлігінің мәліметінше, мемлекеттік қарыздың негізгі бөлігі үкіметтің қарызына тиесілі – 35,33 трлн теңге, бұл шамамен 73,37 млрд долларға тең.
Осы қарыз құрылымында ішкі нарықтағы қарыздың үлесі басым – 27,14 трлн теңге. Негізгі құралдарға әртүрлі айналым мерзімі бар мемлекеттік қазынашылық міндеттемелер жатады, соның ішінде портфельдің ең үлкен бөлігіне тең ұзақ мерзімді бағалы қағаздар құрап отыр.
Үкіметтің сыртқы қарызы шамамен 8,18 трлн теңгені немесе 17 млрд долларға жуық. Ірі кредиторлардың қатарында халықаралық қаржы институттары бар. Атап айтқанда, қомақты сомалар Халықаралық қайта құру және даму банкіне, Азия даму банкіне және Еуропа қайта құру және даму банкіне тиесілі.
Сыртқы қарыздың елеулі бөлігі еурооблигациялар шығару есебінен қалыптасқан, олар шамамен 4,77 трлн теңге көлеміндегі міндеттемені қамтамасыз етеді.
Жекелеген санат ретінде жергілікті атқарушы органдардың қарызы қарастырылады. Ол 2,54 трлн теңге немесе 5,27 млрд доллар деп бағаланған. Бұл ретте міндеттемелердің бір бөлігі үкімет алдындағы қарыздар болса, қалғаны – басқа кредиторлар алдындағы берешек.
Мемлекет кепілдік берген қарыз 2,22 трлн теңгеге немесе 4,62 млрд долларға тең. Оның ішінде шамамен 656 млрд теңге ішкі міндеттемелерге, ал 1,56 трлн теңгеден астамы сыртқы міндеттемелерге тиесілі.
Жалпы алғанда, кепілдік берілген міндеттемелерді қоса есептегендегі мемлекеттік қарыз 39,07 трлн теңгеге немесе 81,15 млрд долларға жеткен.
