Қазақстанның екі өңірінде ет бағасы сәл арзандаған
Қазақстанда 28 қазан мен 4 қараша аралығында сиыр етінің жауырын-кеуде бөлігі 0,1%-ға арзандады. Қазір оның орташа бағасы – 3 247 теңге. Бұл туралы Ұлттық статистика бюросы мәлімдеді.
Астана, NEGE. Сиыр етінің сәл арзандауы Қонаев пен Петропавл қалаларында байқалады. Аталған өңірлерде сиыр етінің бағасы бір апта ішінде 1%-ға төмендеген. Қазір бұл қалаларда еттің бағасы 3 320 және 3 428 теңгені құрайды.
Ал Шымкент, Атырау және Тараз қалаларында сиыр еті сәл қымбаттады. Бағалар Астана, Алматы, Ақтау, Көкшетау, Жезқазған және басқа қалаларда өзгеріссіз қалды. Ең арзан сиыр еті Түркістанда, ал ең қымбаты Өскеменде сатылады.
Айта кетейік, бір жыл ішінде сиыр еті Қазақстан бойынша орта есеппен 26,6%-ға қымбаттаған. Оның жоғары бағасы әлеуметтік маңызы бар азық-түліктердің қымбаттауына негізгі әсер етті. Ет бағасы ең көп көтерілген өңір Петропавл мен Жезқазған. Онда баға – 40%-дан астам өскен.