Қазақстанның 12 қаласында Жылу электр станцияларының тозығы жеткен
Қазақстан Республикасы Үкіметінің отырысында Индустрия және құрылыс министрі Қанат Шарлапаев инфрақұрылымның тозу мәселесін көтерді.
Алматы, NEGE. Индустрия министрлігінің мәліметінше, еліміздің 12 қаласында жылу желілері ауыр жағдайда.
Министрлік жылу желілерінің тозуы 65%-дан 91%-ға дейін болатын қалалар үшін «қызыл аймақты» анықтады. Бұл аймақтардағы тозу деңгейі 73%-ға жетеді.
– Екібастұз
– Павлодар
– Степногорск
– Атбасар
– Петропавл
– Ақтау
– Арқалық
– Рудный
– Семей
– Теміртау
– Кентау
– Риддер
Бұл қалалардағы 47,2 шақырым жылу желілерін қамтитын жөндеу жұмыстарына 33 миллиард теңге бөлінді. Сондай-ақ, 90 шақырым желіні жаңғыртуға қосымша 46 миллиард теңге қажет.
Премьер-министр Олжас Бектенов үкіметке келесі жылыту маусымына дайындық бойынша қатаң міндеттер жүктеді.