Қазақстаннан сұйытылған газды шығаруға тыйым салу туралы бұйрыққа өзгеріс енгізілмек
Елімізден сұйытылған газды шығаруға тыйым салынбақ.
Алматы, NEGE. «Сұйытылған мұнай газын тасымалдаудың кейбір мәселелері туралы» Энергетика министрінің бұйрығына өзгерістер енгізіледі. Бұл жайында «Ашық» НҚА порталында жарияланған, деп хабарлайды ҚазАқпарат тілшісі.
Бұйрық жобасында Қазақстан Республикасының аумағынан сұйытылған мұнай газын, пропанды және бутанды автомобиль көлігімен үш жылға, темір жол көлігімен алты ай мерзімге әкетуге тыйым салу ескерілген. Бірақ Салық кодексі 722-бабының 1-тармағына сәйкес салық режимінің тұрақтылығын ескере отырып, жер қойнауын пайдалану келісімшарты аясында отынды өндіруді жүзеге асырған жер қойнауын пайдаланушылардың сұйытылған мұнай газын әкетуіне шектеу болмайды.
Қолданыстағы бұйрықта сұйытылған мұнай газын Алматы облысы бойынша Мемлекеттік кірістер департаменті «Достық» кеденінің «Алакөл» бекеті, сондай-ақ Қазақстан Республикасынан тыс жерлерде басталатын және аяқталатын орны ауыстырылатын транзиттік тасымалдар арқылы әкетуді қоспағанда, Қазақстан аумағынан сұйытылған мұнай газын автомобиль көлігімен тысымалдауға тыйым салынған.
Осы бұйрық алғашқы ресми жарияланғаннанкейін күнтізбелік он күн өткен соң қолданысқа енгізіледі.
Бұл құжат еліміздің ішкі нарығын сұйытылған газбен толықтай қамтамасыз ету мақсатында әзірленді.
