Қазақстанға Ресей мен Беларусь премьер-министрлері келеді
Бұл туралы Сыртқы істер министрінің ресми өкілі Айбек Смадияров хабарлады.
Алматы, NEGE. 25-27 қыркүйек аралығында Астанадағы ЭКСПО аумағында «Иннопром Қазақстан-2023» халықаралық өнеркәсіптік көрмесі өтеді.
«Іс-шараға жоғары қонақтар ретінде Ресей Федерациясы Үкіметінің Төрағасы Михаил Мишустин мен Беларусь Республикасының Премьер-Министрі Роман Головченконың қатысуы жоспарланған», - деді Айбек Смадияров.
Көрменің мақсаты – өнеркәсіптік кооперацияны дамыту, инвестиция тарту, сауда ынтымақтастығын кеңейту және жаһандық тәжірибе алмасу.