Қазақстандықтардың коммуналдық қызметке 15 миллиард теңгеге жуық қарызы бар
ҚР Индустрия және инфрақұрылымдық даму вице-министрі Марат Қарабаев тұрғындары коммуналдық қызметтерге ең көп қарыз болған өңірлерді атады, деп хабарлайды Zakon.kz.
Астана, NEGE. "Бүгінде тұтынушылардың коммуналдық қызметтерге дебиторлық қарызы 14,8 миллиард теңге болды. Былтырғымен салыстырғанда 214 миллион теңгеге азайған", - дейді Марат Қарабаев.
Ең үлкен дебиторлық берешек:
Нұр-Сұлтан – 3,2 млрд теңге;
Алматы – 2,4 млрд теңге;
Шымкент – 2,1 млрд теңге.
Бұл ретте вице-министр әкімдіктер дебиторлық берешекті өтеу және азайту бойынша борышкерлермен жүйелі шаралар қабылдап жатқанын мәлімдеді.