Қазақстандықтар Жаңа жыл меркесіне орай 1-4 қаңтар аралығында демалатын болды

Алматы, NEGE. Құжатқа сәйкес, 2025 жылғы 5 қаңтардағы жексенбі, яғни демалыс күні 2025 жылғы 3 қаңтарға, жұмаға ауыстырылады.

Осылайша, аптасына бес күн жұмыс істейтін қазақстандықтар 1-4 қаңтар, ал жұмыс аптасы алты күн болатын азаматтар – 1-3 қаңтар аралығында демалатын болды.

Естеріңізге сала кетейік, 2024 жылы 16 желтоқсан – Тәуелсіздік күні дүйсенбіге сәйкес келеді. Сондықтан аптасына 5 күн жұмыс істейтіндер үшін 14, 15, 16 желтоқсан – демалыс.

Алты күн жұмыс істейтіндер үшін сенбі, 14 желтоқсан күні жұмыс күні ретінде бекітілген.

30, 31 желтоқсан дүйсенбі және сейсенбіге сәйкес келгендіктен, қазақстан-дықтар айдың бұл күндері демалмайды.