Қазақстандықтар Жан Байжанбаев бастаған бірнеше актерді қамауға алуды талап етті
Jan Production ісі бойынша зардап шеккен бір топ ата-ана Бас прокуратурадан компания жарнамасына түскен актерлерді қамауға алу жөнінде санкция беруді талап етуде. Компания тәжірбиесі жоқ балаларды киноға түсіруге уәде етіп, ата-аналардан қомақты қаржы алған.
Астана, NEGE. Заңгер Раушан Омарованың мәлімдеуінше, 18 мамырда Алматы қаласындағы Jan Production жеке кәсіпкерлігі мен Едігебаевқа қатысты резонанстық іс бойынша сот процесі өтіп, зардап шеккен тараптың талаптары қанағаттандырылған. Енді зардап шегушілер Жан Байжанбаев бастаған бірқатар актерді қамауға алуды талап етіп отыр.
«Екі айдан астам уақыт бойы жалғасып жатқан тергеуге қарамастан, Қылмыстық кодекстің 190-бабы 3-бөлігі 3-тармағында (Алаяқтық, ірі көлемде адамдар тобы болып жасалған) көзделген іске қатысы бар тұлғалар әлі күнге дейін қамауға алынған жоқ. Атап айтқанда, актерлер Жан Байжанбаев, Даурен Айдарқұлов, Берік Айтжанов, Жанна Қуанышева, Қуандық Шәкіржанов. Біз Бас прокуратурадан оларды қамауға алуға санкция беруді талап етеміз», – делінген мәлімдемеде.
Сондай-ақ зардап шеккендер компаниядан шығынды қайтарып беруді сұрайды.
Айта кетейік, баласын киноға түсіруден үмітті болған ата-аналар компанияға шамамен 1,5 миллион теңгеден төлеген. Кейін компанияның кеңсесі жабылып қалған. Алдын ала мәлімет бойынша, келтірілген жалпы шығын 6 миллиард теңгеден асқан.
Қазір оқып жатыр
Alatau City-де Орталық Азиядағы алғашқы аэротакси сынақтан өткізілді
«Тарихты жеңімпаздар жазады» деген қағидаттың ғылымға қарсы сипатын ұмытпаған жөн – Тоқаев
Ішкі рейстердің билеті арзандай ма? Экономист ҚҚС-ның әсерін түсіндірді
Sen Sulu бренді ресейлік блогер Валя Карнавалға қатысты хейтке жауап берді
