Қазақстандықтар такси шақыра алмай жатыр: «Яндекс Go» жұмысында ақау шықты

Астана, NEGE. Тұрғындар такси шақырып, тамаққа тапсырыс бере алмай жатқанын айтып шағымданды. Жүргізушілер мен курьерлер де қиындыққа тап болған.

«Яндекс Go Қазақстан» ақау барын растады. Компания мамандары мәселені шешуге кіріскен. Алайда қызметтің қашан толық қалпына келетіні әзірге белгісіз.

Осы уақытта Ресейдің Владимир қаласындағы «Яндекстің» деректер орталығына дрондар шабуыл жасағаны хабарланды. Ресейлік БАҚ мәліметінше, шабуыл салдарынан орталықтың жабдықтары зақымданып, жұмысы тоқтаған.

Дегенмен Қазақстандағы ақауға Ресейдегі шабуыл себеп болды деуге әзірге негіз жоқ.