Қазақстандықтар елдегі алғашқы атом электр станциясына Абайдың есімін беруді ұсынды

Алматы, NEGE. Ведомство төрағасы Алмасадам Сәтқалиевтің айтуынша, ұсыныстар шартты түрде үш блокқа бөлінеді.

«Біріншісі – географиялық атаулар. Мысалы, Балқаш, Іле, Үлкен, Мойынқұм сияқты нұсқалар. Екінші үлкен блок – қазақстандықтар станцияға ел тарихындағы маңызды саяси немесе ғылыми тұлғалардың есімін беруді ұсынуда. Мәселен, академик Чокин, Батуров, Абай, Қаныш Сәтбаев сынды есімдер қарастырылып жатыр. Үшінші блок – станцияның инженерлік, техникалық және энергетикалық бағытына қатысты атаулар. Бұған Жарық, Қуат, Бейбіт атом, Energy, Энерго секілді нұсқалар жатады», – деді ол.

Ұсыныстарды жинау 2025 жылғы 10 қазан күні сағат 23:59-да аяқталады. Осыдан кейін комиссия қоғаммен бірлесе отырып болашақ станцияның соңғы атауын анықтайды.