Қазақстандықтар декреттік төлемді көбейту үшін өздерін 16 жұмыста істейтін етіп көрсетіп жүр
Қазақстанда азаматтарды зейнетақымен және әлеуметтік қамсыздандыру жүйелерінің тиімділігіне жүргізілген мемлекеттік аудит аяқталды. Оның қорытындылары Әлихан Смайылов төрағалық еткен ҚР Жоғары аудиторлық палатасының отырысында қаралды.
Астана, NEGE. Аудиторлар жүктілік және босану бойынша жоғары мөлшерде төлем алу үшін кіріс деңгейін және жұмыс орындарының санын жасанды түрде көбейтіп көрсету жағдайларын да анықтады.
«Кейбір жағдайда аударымдар бір уақытта 3-10 түрлі жұмыс орнынан түскен, ал 169 адамның 16-дан астам ұйымға тіркелгені анықталды. Мұндай жағдайларға жол бермеу үшін нормативтік базаны жетілдіру қажет», – деп мәлімдеді Жоғары аудиторлық палата.
Аудит нәтижесінде жалпы 5 млн теңге көлемінде қаржылық бұзушылықтары, сондай-ақ 216,2 млрд теңгенің тиімсіз жұмсалғаны анықталды.
- Қорытынды бойынша 46 жүйелі кемшілік тіркелді.
- 22 материал әкімшілік жауапкершілікке тарту мәселесін қарау үшін жолданды.
- 2 факті бойынша материалдар құқық қорғау органдарына жіберілді.
Қазір оқып жатыр
Әл-Фарабидегі жол апаты: Zeekr жүргізушісі 10 жылға бас бостандығынан айырылды
ҰБТ басталған алты аптаның ішінде 624 талапкердің нәтижесі жойылған
CTS Астанадағы LRT-ның келесі кезеңіне Қытай биржасынан инвестиция тартыла ма?
Мәжіліс төрағасы Брест қамалы музейіне Хиуаз Доспанованың мүсінін сыйға тартты
