Қазақстандық таэквондошылар әлем чемпионатында 9 алтын жеңді
Таэквондодан жастар арасындағы әлем чемпионатында Қазақстан құрамасы 9 алтын, 8 күміс, 14 қола медаль жеңді. Жарыс Беларусь астанасы Минск қаласында өткен. Жалпы топтық көрсеткіш бойынша еліміз екінші орынға тұрақтады.
Алматы, NEGE. "Қазақстан ITF таэквондо ассациясының" мәліметінше, чемпионатқа 42 елден барлығы 450-ден аса спортшы қатысқан.
"Жарыс жеке және топтық разрядта 8 бағдарлама бойынша өтті. Ұлттық құрама сапында Нұр-Сұлтан, Алматы, Қарағанды, Шымкент, Семей, Петропавл, Орал, Екібастұз қалаларының спортшылары өнер көрсетті. Жастар барлық командалық бағдарламаларда (туль, спарринг, арнайы техника, өзін-өзі қорғау) жеңіске жетті. Бұл – Қазақстан спорт тарихындағы ерекше нәтиже", - деді Қазақағанды облысы таэквондо федерациясының бас жаттықтырушысы Валерий Когай.
