Қазақстандық суретші-монументалист Владимир Твердохлебов көз жұмды
Қазақстан Республикасының еңбек сіңірген өнер қайраткері Владимир Твердохлебов 85 жасқа қараған шағында дүниеден өтті.
Алматы, NEGE. Бұл туралы оның қызы Анара Твердохлебова-Форрестер Facebook-парақшасында хабарлады.
Владимир Твердохлебов Алматыдағы «Восточный календарь» субұрқағының авторы ретінде танымал. Ғылым академиясында да Твердохлебовтың витраждары мен мозаикалары сақталған. Владимир Твердохлебов 1937 жылы 18 мамырда Ресейдің Краснодар өлкесінде дүниеге келген. Вера Мухина атындағы Ленинград жоғары өндірістік өнер мектебінде (Санкт-Петербург, Ресей) классикалық өнер білімін алды. Алматыда тұрып, жұмыс істеген.