Қазақстандық гимнасттар батутта секіруден әлем кубогы кезеңінің 2 алтын медалін жеңіп алды
Әзербайжан астанасы Бакуде батуттық гимнастикадан Әлем Кубогының кезеңі өтіп жатыр.
Алматы, NEGE. Жекелей сында отандасымыз Данил Мусабаевқа тең келер ешкім болмады. Қарағандылық спортшы 59.240 ұпай жинап жеңімпаз атанды.
Сонымен қатар жұптық сайыста Данил командаласы Пирмаммад Алиевпен бірге синхронды секіруде топ жарды.
Осылайша, Қазақстан құрамасы Әлем Кубогы кезеңінде 2 алтын жүлде иеленді.
