Қазақстандық әнші Black Star лейблімен келісімшартқа отырды
Baur karbon бүркеншік атымен өнер көрсететін қарағандылық Баур Матаев ресейлік Black Star лейблінің әртісі атанды.
Алматы, NEGE. Жас музыкант лейбл әншісі Анет Саймен "Грустные глаза" әнін жазып үлгерді.
Жігіт музыкалық карьерасын бір жыл бұрын ғана бастаған. Алғашында каверлерін TikTok-та жүктеп отырып, трендтке шығады. Кейінірек авторлық шығармаларын жаза бастайды. Осылайша аз уақытта аудитория жинап алады.
"Мені тауып, Black Star менеджерлері байланысқа шықты. Өздерінің саб-лейблына (еншілес лейбл) қосылуды ұсынды. Нәтижесінде, қаңтардың басында келісімге қол қойып, олармен бірнеше трек шығардық. Ал сәуірде мені негізгі лейблге, яғни Black Star-ға ауыстыратынын айтты. Осылайша Анет Саймен бірлесіп ән шықты", - деді орындаушы.
