Қазақстандық киберспортшы әлемнің үздік 20 ойыншысының қатарына енді
Халықаралық деңгейде кеңінен мойындалған HLTV рейтингі бойынша Даниил Голубенко әлемнің үздік 20 киберспортшысының қатарына енді.
Астана, NEGE. Бұл туралы HLTV өзінің ресми Instagram парақшасында хабарлап, Даниилдің қатысуымен арнайы бейнеролик жариялады. Постта киберспортшының жетістігі аталып, оның кәсіби деңгейі жоғары бағаланды.
Жаңалықты естіген Голубенко аталған жарияланымды өз парақшасында бөлісіп, қолдау білдірген жандардың барлығына алғысын жеткізді.
«Біз ешқашан тоқтамаймыз. Маған сенім артқан командама, қолдап жүрген барша жанға үлкен рақмет», – деп жазды ол.
Айта кетейік, өткен жылдың қараша айында қазақстандық ойыншы Бразилияның FURIA командасы сапында өнер көрсетіп, IEM Chengdu 2025 турнирінің чемпионы атанған болатын. Сол жарыста Даниил үздік ойыншы деп танылып, халықаралық аренадағы беделін тағы бір мәрте дәлелдеді.
