Қазақстандық IT-жоба WSIS Prizes 2025 байқауында жеңіске жетті
Президент Іс басқармасының Инженерлік-техникалық орталығы әзірлеген инновациялық жоба мемлекеттік сектордағы деректерді талдауға, мониторингілеуге және жедел басқаруға арналған.
Алматы, NEGE. Цифрлық жоба - «Ахуалдық-талдамалық кешені» деп аталады.
Платформа 20 өңірді қоса алғанда, ел аумағында әлеуметтік-экономикалық дамудың түрлі бағыттары бойынша 500-ден астам индикаторды қамтиды.
Бүгінде бұл жүйе ҚР Президентінің Әкімшілігі мен Президент Іс басқармасында енгізілген.
Айта кетейік, халықаралық байқауға биыл 973 жоба қатысып, 18 номинация бойынша 360 жоба іріктелген. Оның ішінде әр аталым бойынша 5 жоба финалға өтті.