Спорт
Қазақстандық екі клуб Еуропада үздік ондыққа енді
Еуропалық футбол қауымдастықтары одағы (UEFA) футзал клубтарының жаңартылған тізімін жариялады.
Астана, NEGE. Жаңартылған тізімде Еуропаның үздік 10 футзал командасының қатарына Қазақстаннан бірден екі клуб кірді. Алматылық «Қайрат» 402 ұпаймен үшінші орынға жайғасты. «Қайрат» тек Испанияның «Пальма» (622 ұпай) және Португалияның «Спортинг» (513 ұпай) клубтарына жол берген.
УЕФА-ның жаңа тізімінде «Семей» клубы 184 ұпаймен 10-орынды иеленді. Қысқа уақыт ішінде семейлік команда Қазақстан чемпионы атанып, Чемпиондар лигасының элиталық кезеңіне дейін жетті.