Қазақстандық ауыр атлеттер жасөспірімдер арасындағы Әлем чемпионатында 5 медаль жеңіп алды
Перу астанасы Лимада ауыр атлетикадан жасөспірімдер мен жастар арасындағы әлем чемпионаты аяқталды.
Алматы, NEGE. Бұл жарыста Қазақстан құрамасы бес медаль жеңіп алды, оның екеуі — алтын.
Жасөспірімдер арасындағы жарыста Ксения Прозорова (59 келіге дейін) мен Бейбарыс Ерсейіт (61 келіге дейін) бірінші орынға ие болды.
Қола жүлдені Кира Данилова (71 келіге дейін), Ернұр Мырзахметов (73 келіге дейін) және жастар санатында өнер көрсеткен Ерасыл Саулебеков (81 келіге дейін) жеңіп алды.