Қазақстандық Анна Данилина Ролан Гарростың 1/8 финалына жолдама алды
Қазақстанның жұптық сындағы үздік теннисшісі, әлемнің 17-ракеткасы Анна Данилина Ролан Гаррос турнирінің үшінші айналымына өтті.
АЛМАТЫ, NEGE. Қазақстандық теннисші сербиялық серіктесі Александра Круничпен бірге жарыстың 10-нөмірлі жұбы – қытайлық Синью Янь мен тайбэйлік Фан У-ға қарсы ойнап, екі сетте де жеңіске жетті — 6:4, 6:3.
Ойын 1 сағат 21 минутқа созылды. Данилина – Крунич дуэті 8 брейк-пойнттың 5-еуін тиімді пайдаланды. Ал қарсыластар үш брейкпен ғана шектелді.
Анна Данилина мен Александра Круничтің 1/8 финалдағы қарсыластары кейінірек анықталады.
Сонымен қатар, тағы бір қазақстандық теннисші Жібек Құламбаева Сербияда өтіп жатқан ITF W35 Куршумлия-Баня турнирінің жартылай финалында Солтүстік Македония өкілі Лина Джёрческадан 2:6, 6:2, 3:6 есебімен жеңіліп, финалға өте алмады. Тартысты матч 2 сағат 17 минутқа созылды.
Еске сала кетсек, бұған дейін Елена Рыбакина Ролан Гарроста турнир фаворитін жарыс жолынан тайдырған болатын. Ал Юлия Путинцева бұл турнирде әлемнің 6-ракеткасынан жеңіліп қалды.