«Қазақстандағы жағдайды Ресей жіті бақылап отыр»
Ресейдің Сыртқы істер министрлігі «Қазақстандағы төтенше жағдайдың барысын жіті қадағалап отырмыз» деп мәлімдеді.
Алматы, NEGE. Ресейдің Сыртқы істер министрлігі «Қазақстандағы төтенше жағдайдың барысын жіті қадағалап отырмыз» деп мәлімдеді.
«Біз Қазақстандағы жағдайдың даму барысын жіті бақылап отырмыз. Зардап шеккен Ресей азаматтары туралы мәлімет жоқ», – деп хабарлады Ресей ведомствосы.
Бұған дейін Қазақстанның бірнеше өңірінде – Алматы қаласы, Маңғыстау және Алматы облыстарында төтенше жағдай енгізілген болатын. Халық сұйытылған газ бағасының күрт өсуіне наразылық білдірді. Қазақстан үкіметі отставкаға кетті. Президент Қасым-Жомарт Тоқаев болған жағдайға министрлер кабинеті де кінәлі екенін айтты.
Редакциядан: Елде қалыптасқан төтенше жағдайға байланысты Nege.kz редакциясы тараптарды мәселені бейбіт жолмен шешуге, қан төгуге жол бермеуге шақырады.
