Қазақстандағы Грузия елшісінен коронавирус анықталды
Қазақстандағы Грузия елшісі Зураб Абашидзе коронавирус жұқтырды, – деп хабарлайды Georgiatoday.ge сайтын сілтеме жасап.
Алматы, NEGE. Бұл ақпаратты Грузияның сыртқы істер министрлігі растады. Елші Қазақстанда ем қабылдап жатыр. «Ол Қазақстан дәрігерлерінің бақылауында, Грузия мамандары онымен үнемі байланыста», – деп хабарлайды министрлік өкілі.
Зураб Абашидзе Грузияның елшісі болып 2017 жылы тағайындалған. Бұған дейін, сондай-ақ, Елбасы Нұрсұлтан Назарбаев пен еліміздің денсаулық сақтау министрі Елжан Біртанов коронавирус жұқтырғаны хабарланған болатын. Олармен байланыста болған кей жоғары лауазымды шенеуніктер үйінде оқшауланды.
