Қазақстанда жоғары сынып оқушылары үшін ағылшын тілі пәнінің сағаты көбейеді
Қазақстанда 10-11 сынып оқушылары үшін ағылшын тілі пәнінің сағатын көбейту жоспарланып отыр. Орталық коммуникациялар қызметінде өткен брифингіде Оқу-ағарту министрі Асхат Аймағамбетов осылай мәлімдеді.
Алматы, NEGE. Министрдің айтуынша, сондай-ақ математика, физика, химия, биология пәндерінің сағаттарын көбейту жоспарланып отыр.
“Бұнымен қоса оқу бағдарламалары да жаңартылады. Мұғалімдерге қосымша курстар ұйымдастырылады. "STEM" білім беру тәсілдеріне негізделген жаратылыстану-математика пәндерін оқытуды күшейту жоспарланып отыр. Сонымен қатар, жоғары сыныптарда ағылшын тілін үйренуге, нақтырақ айтқанда, 10-11 сыныптардағы ағылшын тілі сағатын көбейтуге, бағдарламаларды жаңартуға және мұғалімдердің біліктілігін арттыруға баса мән беріледі. 2024 жылдан бастап "CEFR" бойынша 3-сыныпта ағылшын тілін оқыту сағаттарын ұлғайту мен қазақ және орыс тілдерін меңгеру үшін қажетті оқу жүктемесін қамтамасыз ету шаралары қабылданады", - деп атап өтті Асхат Аймағамбетов.
Қоса кетсек, сонымен қатар министр "Жайлы мектеп" ұлттық жобасы аясында кемінде 800 мың оқушы орны ашылатынын мәлімдеді.
