Қазақстанда жыл сайын қанша адам жыныс ауыстырады?
Қазақстанда жынысты ауыстыру бойынша жыл сайын үш-төрт ота жасалады, деп хабарлайды Tengrinews.kz.
Алматы, NEGE. Бұл туралы белгілі қазақстандық пластикалық хирург Леон Дерябин айтып берді.
Жынысты ауыстыру ең қиын пластикалық хирургияның бірі саналады. Ер адамның әйел және әйелдің ер адам болып толықтай өзгеруі бірнеше кезеңде өтеді және мамандар тобының күш-жігерімен жүзеге асады. Операциядан кейін ұзақ уақыт қалпына келтіру жұмысы қажет. Сонымен қатар, жынысын ауыстырғысы келетін науқас операция үшін қомақты сома төлеп, құжаттарын ауыстыруы керек.
"Жынысты ауыстыру операциясы өте күрделі, жыл сайын орта есеппен 3-4 адам жүгінеді. Паспорт деректерін өзгертіп, оңалтудың ұзақ кезеңі қажет. Бұл тек хирургтің емес, сонымен қатар дұрыс гормоналды баптауды таңдайтын эндокринологтың жұмысы. Барлық пластикалық отаның құны әртүрлі, бәрі қойылған міндеттерге байланысты, әрине, барлық ота қымбат", - дейді пластикалық хирург.
Қазақстандағы пластикалық оталардың танымалдығы бойынша алғашқы үштікті әйелдерге арналған процедуралар құрайды. Бұл периорбитопластика - бұл көз айналасындағы жасарту әдістерімен біріктірілген блефаропластика, маммопластика - сүт безін үлкейту және липосакция.