Қазақстанда ұн қымбаттауы мүмкін
Астық өңдеу одағының мәліметінше елде ұн қымбаттауы мүмкін.
Алматы, NEGE. Осымен үшінші жыл қатарынан ұнның бағасы өсіп келеді. Тиісінше нан да арзан болмасы белгілі.
Астықтың ордасы саналатын Қостанайда нан 110 теңге. Павлодарда да баға Қостанаймен бірдей. Қарағандыда 100 теңге. Алматыда арзандау. Ас атасы мұнда 75 теңге тұрады. Таразда 85 теңге. Қызылордада нанды 65 теңгеге алуға болады. Атырауда 90 теңге. Ал Оралда нан 110 теңге тұрса, елордада 100 теңге.
