Қазақстанда ұн бағасы өседі
Биыл әлемдік астық бағасы 20%-ке қымбаттады. Әсіресе, соңғы бес айдағы өсім қарқынды, деп хабарлайды «Хабар 24».
Алматы, NEGE. Биыл әлемде 758 млн тонна астық игерілді. Бұл өткен маусымдағы болжамнан 1,1%-ке артық. Ал елімізде 3 млн тоннадан аса ұн өндірілген. Қалыпты мөлшерден едәуір аз. Экспорт үлесі де 5-10%-ке төмендеді. Оған өнімді сыртқа шығаруға уақытша тыйым салу себеп болды. Дегенмен, ішкі нарық ұнсыз қалған жоқ. Оның үстіне келесі жылы-ақ шығынды өтеп алуға мүмкіндік бар. Бұл туралы Қазақстан астық өңдеушілері одағының президенті Евгений Ган айтты. Өйткені алдағы қаңтарда Қытай нарығы еліміз үшін қайта ашылуы ықтимал. Алайда ұнның бағасы арзандамайды. Салдарынан өзге де азық-түліктер құны аспандауы мүмкін дейді сарапшы. Сондықтан бағаны уақытша болсын ұстап тұруға ұзақмерзімді шаралар қабылдау қажет.
