Қазақстанда тұратын өзге ұлт өкілдерінің статистикасы жарияланды
2021 жылғы санақ қорытындысы бойынша халықтың ұлттық құрамы жөніндегі тақырыптық жинақ жарияланды, деп хабарлайды Ұлттық статистика бюросы.
Алматы, NEGE. Бүгін stat.gov.kz сайтында Қазақстан Республикасы халқының ұлттық құрамы, діні және тілдерді меңгеруі бойынша екінші тақырыптық жинақ жарық көрді.
– Қазақтардың үлесі 70,4% дейін өсті. 2021 жылғы санақ қорытындысы бойынша қазақтар саны 13,4 млн адам болды, 2009 жылдан бергі өсім – 33,7% (10 млн – 2009 ж.), жалпы халық санындағы қазақтардың үлесі 63,1%-дан 70,4%-ға дейін өсті, – делінген хабарламада.
Сондай-ақ, саны көп ұлттар қатарына орыстар – 2,9 млн адам, өзбектер – 614 мың адам, украиндар – 387 мың адам және ұйғырлар – 290 мың адам кірді.