Қазақстанда Республика күні 20 мың полицей күшейтілген режимде жұмыс істейді
Қазақстанда Республика күні 20 мың полицей күшейтілген режимде жұмыс істейді, деп хабарлайды ішкі-істер министрлігінің баспасөз қызметі.
Алматы, NEGE. «Қоғамдық тәртіпті қамтамасыз етуге 20 000 полицей мен Ұлттық ұланның күші тартылады»,- деп хабарлады ҚР ІІМ Әкімшілік полиция төрағасының орынбасары Әлібек Кениспаев.
Еске салсақ, 25 қазанда Қазақстанда Республика күні аталып өтеді. 24-26 қазан аралығында барлық жеке құрам қызметтің күшейтілген режиміне ауыстырылады.
Полиция нарядтарының маршруттары азаматтардың жаппай жиналатын және демалатын орындарына жақындайтын болады. Жағдайды бақылау үшін ІІМ базасында жедел штаб жасақталады. Штаб барлық өңірде жұмыс атқарады.