«Қазақстанда локдаун енгізіледі»
Қазақстандықтар алдағы локдаун туралы ақпаратпен бөлісуде. Желі қолданушыларының айтуынша, Қазақстан КВИ таралу қарқыны бойынша қайтадан "қызыл" аймақта, сондықтан қалалар арасындағы қозғалысқа тыйым салынды.
Алматы, NEGE. Бірақ бұл ақпаратты Санитарлық-эпидемиялық бақылау комитеті жоққа шығарды.
Ведомствоның мәліметінше, бүгінгі таңда кейбір аймақтарда эпидемиологиялық жағдайдың нашарлауына байланысты карантиндік шаралар күшейтілді. Олар сауда орталықтарының, дәмханалардың, барлардың жұмыс уақытын қысқартуға, қоғамдық көліктердің дезинфекциялау уақытын ұлғайтуға және т.б. қатысты.
“Ел аумағында локдаун енгізілмейді. Қалалар арасындағы ұшулар мен жерүсті қалааралық көлік штаттық режимде жұмыс істейді. Блокпосттар қойылмаған”, – деп хабарлады ведомствоның ресми өкілі Ержан Байтанаев.