Қазақстанда күн жылынады
"Қазгидромет" синоптиктері 6-8 сәуірде Қазақстанның кейбір өңірлерінде күн жылынатынын мәлімдеді.
Алматы, NEGE. Солтүстік Қазақстанда циклон әсерінен тұрақсыз ауа райы сақталады. Кей жерлерде көктайғақ, найзағай және бұршақ болуы мүмкін.
Елдің оңтүстігінде жауын-шашынсыз жылы ауа райы қалыптасады.
Синоптиктер болжамына сүйенсек, оңтүстік-батыста шаңды дауыл күтіледі, бірақ соған қарамастан күн жылы болады.
Қазақстан бойынша кей жерлерде тұман түсіп, жел күшейеді.
Еске сала кетейік, бүгін, 5 сәуірде еліміздің басым бөлігінде жауын-шашын күтіледі.
