Қазақстанда креативті индустрияны қолдау қоры құрылады
![](/static/img/plug.jpg)
Ол елдегі талантты адамдардың өнері мен шығармашылығын насихаттап, авторлық өнімдерді экспорттауға көмектеседі.
Алматы, NEGE. Қорға қаражат бюджеттен тыс көздерден түседі дейді Мәдениет және ақпарат вице-министрі Евгений Кочетов.
Бүгінгі таңда еліміздің жалпы ішкі өніміндегі креативті индустрияның үлесі 1 пайызға жетпейді. Сол себепті алдағы уақытта дарынды азаматтарға қолдау көрсету орындары барлық облыс орталықтарында құрылады.
Алдағы мақсаттың бірі әлемдік медиа-ойын сауық нарығында жетекші орынға шыққан елдердің тәжірибесін меңгеру.
– Әлемдік көшбасшылар жоғары нәтижеге креативті индустрия саласына жоспармен келді. Мысалы, Кореяда Коса креативті агенттігі құрылды. Гонконгта Креативті Гонконг агенттігі құрылды. Олар мемлекеттік бағдарламалар мен басқа да тұжырымдалық құжаттарды ұсынды, – деді Кочетов.