Қазақстанда коронавирусты емдеу протоколына өзгеріс енгізілді
Елімізде енді кесел жұқтырғандар гидроксихлорохин және лопинавир секілді вирусқа қарсы препаратпен емделмейді.
Алматы, NEGE. Денсаулық сақтау министрлігі коронавирусты емдеудің клиникалық хаттамасының 10-нұсқасына тағы өзгеріс енгізді. Осыған дейін бұл препараттарды үйде қабылдауға рұқсат берілген. Бірақ осы айдың басында Дүниежүзілік денсаулық сақтау ұйымы вирусқа қарсы ем-домда бұл дәрілерді қолданбау туралы шешім қабылдады. Есесіне үйде емделіп жатқан науқастар бұдан былай Ривароксабан, Апиксабан, Дабигатрана этексилат препараттарын қабылдай алады.