Қазақстанда қызылша бойынша эпидемиологиялық жағдай күрделі – ҚР ДСМ
ҚР ДСМ Санитариялық-эпидемиологиялық бақылау комитеті төрағасының орынбасары Зауре Ахметова ОКҚ алаңында өткен сараптамалық дөңгелек үстел барысында еліміздегі қызылша ауруы бойынша эпидемиологиялық жағдай туралы баяндады.
Алматы, NEGE. Қазір эпидемиологиялық жағдай күрделі. Жыл басынан бері Қазақстанда қызылшаның 13 103 жағдайы, оның ішінде 83% - 14 жасқа дейінгі балалар, 2,9% - жасөспірімдер, 14,1% - ересектер арасында тіркелді.
«Қызылша ауруы барлық өңірлерде тіркелді, аурудың жоғары деңгейі Шымкент қаласында – 2 283 жағдай, Алматы қаласында - 2 217, Жамбыл облысында - 1 605 жағдай және Атырау облысында – 940 жағдай», - деді спикер.
Ауру егілмеген балалар арасында тіркелуде, ауырған балалар ішінде олардың үлесі 84%.