Қазақстанда қылмыс деңгейі 12%-ға төмендеді
Қазақстанда құқық тәртібі мен қауіпсіздік мәселелері ерекше назарда, деп хабарлады Ішкі істер министрлігі.
Алматы, NEGE. Жалпы қылмыс деңгейі 12%-ға төмендеді.
Мал ұрлығы дерегі 14%-ға азайды. Бұл бағытта 661 қылмыстың беті ашылып, 112 қылмыстық топ әрекетінің жолы кесілді, мал ұрлаған 614 барымташы ұсталды.
Қарақшылық 28%-ға, тонау 13%-ға, көшедегі құқық бұзушылықтар 8%-ға төмендеді.
Республикада 8,2 млн жол қозғалысы қағидасын бұзудың жолы кесілді.
20,5 мың "мас" жүргізуші ұсталды.
22 мың адам жүргізуші куәлігінен айырылды.
Елімізде қоғамдық тәртіпті қамтамасыз ету үшін 1,2 млн-нан астам бейнекамера орнатылған.
Олардың көмегімен полицейлер 9,2 мың қылмыстың бетін ашып, 513 мың әкімшілік құқық бұзушылықтың жолын кесті.
Биыл тұрмыстық зорлық-зомбылықпен күрес механизмдері күшейтілді.
Нашақорлыққа және есірткі бизнесіне қарсы күрестің кешенді жоспары қабылданды.
