Қазақстанда кедейлердің саны артты
Қазақстанда кедейлік шегінде өмір сүретіндердің саны артты, деп хабарлайды Қазақстан Республикасы Стратегиялық жоспарлау және реформалар агенттігінің (СЖР) Ұлттық статистика бюросы (ҰСБ).
Алматы, NEGE. «Үй шаруашылықтарын зерттеу бойынша табысы ең төменгі күнкөріс деңгейінен төмен халықтың үлесі (кедейлік деңгейі) 2022 жылғы II тоқсанда 5,1% болды, бұл 2021 жылғы тиісті кезеңмен салыстырғанда 0,3 пайыздық тармаққа жоғары», - делінген хабарламада.
Көбіне үйде адам саны көп отбасылар кедейлікке ұшыраған. Осылайша, 5 және одан да көп адамнан тұратын отбасылар арасындағы кедейлік деңгейі 2022 жылғы II тоқсанының қорытындысы бойынша 9,3%-ға тең болды. Бұл жалпы кедейлік деңгейінен 2 есеге артық, деп түсіндірді статистика мамандары.
