Қазақстанда қандай көліктер жиі ұрланады?
ІІМ 2021 жылы Қазақстанда жиі ұрланған көлік маркаларын атады.
Алматы, NEGE. «Ең көп ұрланатын көлік маркалары - Mercedes, Toyota, Mazda, BMW, Volkswagen және Lexus», - деді брифингте ІІМ Криминалдық полиция департаменті бастығының орынбасары Қанат Нұрмағамбетов.
ІІМ автокөлік иелеріне көлік ұрлануының алдын алу үшін кеңестер берді.
«Көлігіңіздің есігін ашық, кілтті көлікте қалдырмаңыз. Көлікті түнде гаражға немесе күзетілетін автотұраққа қойыңыз. Оны ұрлыққа қарсы қорғаныс құралдарымен және GPS маяктарымен жабдықтаңыз. Автокөлікте құжаттар мен құнды заттарды қалдырмаңыз. Жеке тұлғалардан автокөлік сатып алу кезінде құжаттарын талап етіңіз», - деп ұсынды Нұрмағамбетов.