Қазақстанда екпенің екі дозасын қабылдағандар саны 291 765 адамға жетті
Бүгінге дейін ел бойынша 291 мың 765 адам коронавирусқа қарсы вакцинаның екі дозасын салдырды.
Алматы, NEGE. Ал бірінші компонентті 1 миллион 346 мың 900 адам қабылдаған. Екпенің екеуін де алған азаматтардың саны бойынша Алматы қаласы көш басында. Шамамен 54 мыңдай алматылық вакцинаны толық салдырды. Ал елордада қос дозаны қабылдағандар саны 25 мыңға жуықтайды. Соңғы орында Маңғыстау облысы тұр. Аталған өңірде екпе алғандардың саны 5 мың 800-ден сәл асады.