Қазақстанда барлық мектептің спорт алаңы тексеріледі
8 тамызда Оқу-ағарту министрі Ғани Бейсембаев Астанадағы мектеп аулаларының бірінде футбол алаңында баланың қайтыс болуы оқиғасына қатысты үкімет отырысында пікір білдірді.
Алматы, NEGE. «Білім басқармалары кешеден бері барлық мектептің спорт алаңдарын тексеріп жатыр. Тек Астананың ғана емес, еліміз бойынша барлық мектептің спорт алаңдары мен құрал-жабдықтары тексеріледі», - деді Оқу-ағарту министрі Ғани Бейсембаев.
Астана мектебіндегі футбол алаңындағы баланың өліміне кінәлілерді тергеу анықтайды, деп мәлімдеді министр.
Айта кетейік, елордада 10 жастағы балаға футбол қақпасы құлап қайтыс болды. Қайғылы жағдай №10 мектептің аумағында болған.