Қазақстанда алдағы күндері ауа райы қандай болады?
Қазақстанда жаңбыр жауып, күн салқындайды. Синоптиктер 13-15 шілдеге арналған ауа райы болжамын ұсынды.
Алматы, NEGE. Республиканың басым бөлігінде ауа райына циклон және онымен байланысты фронталь бөліктер әсер етеді. Бұл ауа райының тұрақсыз болуына ықпал етеді. Осыған байланысты солтүстік-батыста, солтүстікте, орталықта және шығыста қатты жаңбыр жауып, найзағай, бұршақ, дауыл болып, екпінді жел соғады.
"Батыста ауа температурасы түнде + 12+22 градус, күндіз +25+35 градус, республиканың солтүстігінде, солтүстік-батысында түнде ауа температурасы +7+20 градус, күндіз термометрлер +12+28 градус, еліміздің орталығында және шығысында түнде ауа температурасы +8+20 градус, күндіз +15+28 градус болады. Қазақстанның оңтүстігінде және оңтүстік-шығысында түнгі температура +12+23 градус, күндіз +25+32 градус болады", - делінген хабарламада.
