Қазақстанда 206 мыңға жуық шетелдік автокөлік есепке қойылды
Биыл 23 қаңтар мен 30 маусым аралығында елімізге 2022 жылғы 1 қыркүйекке дейін әкелінген шетелдік автомобильдерді заңдастыруға өтінімдер қабылдады.
Алматы, NEGE. Өтінімді уақытылы берген, бірақ автокөліктерін заңдастырып үлгермеген Қазақстан азаматтарына белгіленген мерзімнен кейін заңдастыруға мүмкіндік берілді. ҚР ІІМ Әкімшілік полиция комитетінің төрағасы Қайсар Сұлтанбаевтың айтуынша, 206 мыңға жуық шетелдік автокөлік қазақстандық есепке қойылды.
Заңдастырылған автокөліктердің басым көпшілігі Кеден одағының құрамындағы үш елге – Ресейге, Арменияға, Қырғызстанға тиесілі.
«Облыстар бойынша автокөліктердің ең көп саны Алматы қаласында – 21 115 бірлік; Ақтөбе облысында – 20 876; Шымкент қаласында – 15 145; Батыс Қазақстан – 14 204; Атырау – 14 197; Қызылорда облысында – 13 695 тіркелген», - деді спикер ОКҚ алаңында.
