Қазақстанда жүрген шетелдіктер үшін маңызды хабарландыру айтылды
13 ақпаннан бастап шетелдіктер Халыққа қызмет көрсету орталықтарында ЖСН рәсімдей алмайды.
Астана, NEGE. «Азаматтарға арналған үкімет» корпорациясының хабарлауынша, 13-16 ақпан аралығында мемлекеттік органда техникалық жұмыстар жүргізіледі.
«Осыған байланысты 13 ақпан сағат 9:00-ден бастап Халыққа қызмет көрсету орталықтары мен Көші-қон қызметі орталықтарында «Қазақстан Республикасында уақытша болатын шетелдіктер мен азаматтығы жоқ адамдарға ЖСН қалыптастыру» қызметі уақытша қолжетімсіз болады», – делінген ресми хабарламада.
Корпорация өкілдері уақытша қолайсыздықтар үшін кешірім сұрайды.