Қазақстанда жыл сайын 3 мың бала семіздікке шалдығады – ДСМ
Министрлік скринингті жаңаша форматта іске асыруды бастады.
Алматы, NEGE. Қазақстанда созылмалы аурулардан болатын өлім-жітімді азайту үшін Денсаулық сақтау министрлігі скринингтік тексерулерге жүйелі өзгерістер енгізіп жатыр, деп хабарлайды ведомствоның баспасөз қызметі.
Шымкент қаласында өткен Министрліктің көшпелі алқа отырысында инфекциялық емес аурулармен күрес жолдары талқыланды. Бұл аурулар – Қазақстандағы өлім-жітімнің басты себептері.
Вице-министр Ержан Нұрлыбаевтың айтуынша:
- Қан қысымы жоғары 1,7 миллионнан астам адам тіркеуде тұр
- Жыл сайын 6 мың ересек пен 3 мың бала семіздікке шалдығады
ИАА қауіпін арттыратын негізгі факторлар:
- дұрыс тамақтанбау (72%)
- темекі шегу (21%)
- алкоголь тұтыну және физикалық белсенділіктің аздығы
«Бұл көрсеткіштер – халықтың өмір сүру сапасын төмендететін маңызды индикаторлар», – деді Ержан Нұрлыбаев.
Соңғы 6 жылда онкологиялық аурулардан болатын өлім 11,6%-ға азайғанымен, алаңдатарлық деректер сақталып отыр:
- Қайтыс болғандардың 52%-ы — еңбекке жарамды жастағы азаматтар
- 10%-ы — репродуктив жастағы әйелдер.
Жаңа скрининг реформасына сәйкес:
- Ракты ерте анықтау учаскелік дәрігерлердің үйлестіруімен жүргізіледі
- Қорытынды диагноз онкоорталықтарда қойылады
- 35–55 жас аралығындағы әйелдерге ЖПВ (HPV) тестілеуі енгізіледі
Ішек қатерлі ісігінің жаңа скринингтері ұсынылады:
- гемокульт-тест
- эндоскопиялық және виртуалды колоноскопия
- өкпе мен асқазан обырын ерте анықтау бағдарламалары.
Министрлік салауатты өмір салтын (СӨС) насихаттау үшін білім беру бағдарламаларын кеңейтуді, салааралық ынтымақтастықты, халыққа профилактикалық ақпарат жеткізуді күшейтуді ұсынады.
«Аталған шаралар тек өлім-жітім мен ауыр асқынулардың алдын алып қана қоймай, мемлекет бюджетіне түсетін салмақты да азайтады», – делінген хабарламада.
