17 Мамыр 12:28
...
Қазақстанда жыл сайын 2 мыңнан астам әйелден жатыр мойны обыры анықталады
Жатыр мойны обыры елімізде өзекті медициналық мәселелердің бірі болып отыр, деп хабарлайды Денсаулық сақтау министрлігі.
Алматы, NEGE. Жыл сайын Қазақстанда шамамен 2 000 әйел осы қатерлі дертке шалдығады, ал әлем бойынша бұл сырқаттан жылына 300 мыңға жуық әйел көз жұмады.
Министрліктің хабарлауынша, аурудың негізгі себебі — жоғары онкогендік қауіпті адам папилломасы вирусының (АПВ) 16 және 18-типтері.
Сол себепті вакцинация — аурудың алдын алудың ең тиімді жолы екені атап өтілді.
2025 жылғы мамыр айының өзінде:
138 469 қыз бала (11–13 жас аралығы) АПВ-ға қарсы вакцинаның алғашқы дозасын,
ал 44 956 қыз бала екінші дозасын алған.
Мамандар уақытылы екпе алу арқылы жатыр мойны обырының даму қаупін едәуір төмендетуге болатынын еске салады.
