Қазақстанда Жаңа жыл түнінде 181 сәби дүниеге келді
2025 жылдың 1 қаңтарында Қазақстанның перзентханаларында 181 сәби дүниеге келді, оның ішінде 105 ұл мен 76 қыз бала бар. Ал, Маңғыстау облысында бір егіз бала дүниеге келді.
Алматы, NEGE. Денсаулық сақтау министрлігінің баспасөз қызметінің мәліметінше, мереке түнінде ең көп сәбилер Түркістан облысында тіркелді – 34 сәби. Екінші орында Алматы қаласы мен Алматы облысы тұр, әрқайсысында 17 бала дүниеге келген. Туу бойынша көшбасшылардың үштігін Шымкент қаласы түйіндейді, мұнда 16 отбасы жаңа жылда сәби сүйді.
Астанада Жаңа жыл түнінде өткен жылмен бірдей 10 сәби дүниеге келгені хабарланды.
Сонымен қатар, Жаңа жыл қарсаңында «SOS Астана балалар ауылы» ұйымының балалары үшін қайырымдылық акциясы ұйымдастырылды. Бұл мекеме ата-анасының қамқорлығынсыз қалған және өмірлік қиын жағдайға тап болған балаларға пана болып отыр.
