Қазақстанда жаңа цифрлық KEDEN жүйесі енгізіліп жатыр
Қазақстанда кеден жүйесін цифрландыру жұмыстары жалғасуда. Бұл бағыттағы негізгі жоба – KEDEN платформасы, ол бірнеше ескі жүйені алмастырып, барлық процесті бір цифрлық ортаға біріктіреді.
Алматы, NEGE. Жаңа жүйе қағаз құжат айналымынан бас тартуды, тәуекелі төмен жеткізілімдер бойынша автоматты шешім қабылдауды және адам факторын азайтуды көздейді.
Жүйе арқылы жүздеген мың декларация рәсімделіп, экспресс-жүктер толық электронды форматқа көшірілген. Дегенмен жүйеде техникалық мәселелер бар, олар кезең-кезеңімен түзетіліп жатыр.
Алдағы уақытта Қазақстан толықтай қағазсыз кеденге көшіп, процестердің ашықтығы мен тиімділігін арттыру үшін интеллектуалды шешімдерді енгізуді жоспарлап отыр.