Қазақстанда тамыз айында инфляция 10% деңгейінен түсті
Ұлттық статистика бюросы таратқан ақпарат бойынша, тамызда жылдық мәнде инфляция шілдедегі 10,2% деңгейінен төмендеп, 9,8% болды.
Астана, NEGE. Жылдық мәнде азық-түлікке жатпайтын тауарлардың бағасы көбірек өсті – 11,4%, ал азық-түлік тауарлары – 9,5%, ақылы қызметтер – 8,9%-ға қымбаттаған.
Өткен жылдың тамыз айымен салыстырғанда жеміс-көкөніс өнімдерінің жекелеген түрлерінің бағасы түскен. Атап айтқанда, баялды бағасы 46,8%, қияр – 39,9%, қызанақ – 13,6%, алма – 10,6%, сарымсақ – 7,2%, мандарин – 5,9%, қырыққабат – 5,2%, банан – 4,2%, апельсин – 2,6% арзандаған.
Азық-түлікке жатпайтын тауарлардың ішінде 2025 жылғы тамызбен салыстырғанда отандық құрастырылған жаңа автомобильдердің бағасы 16,9%, электр бұрғылары мен бұрауыштар – 8,0%, кондиционерлер – 7,6%, медициналық бинттер – 3,1% төмендеді.
Статистика мамандарының мәлімдеуінше, айлық мәнде тамызда бағаның негізгі төмендеуі маусымдық жеміс-көкөніс өнімдерінің жекелеген түрлерінде байқалған. Атап айтқанда, картоп бағасы 12,3%, тәтті бұрыш – 11,9%, қырыққабат – 9,7%, жүзім – 8,0%, пияз – 7,7%, алма – 5,1%, сәбіз – 5,0%, лимон – 4,7%, қызылша – 3,6% төмендеді. Сондай-ақ алмұрт бағасы 1,8%, қияр – 1,5% арзандады.
Азық-түлікке жатпайтын тауарлардың ішінде пайдаланылған жеңіл автомобильдер бағасы 5,3%, планшеттер – 5,0%, медициналық маскалар – 2,9%, медициналық термометр – 1,9%, электр еттартқыштар мен балалар жөргектері – 0,8% төмендеді.