Қазақстанда скринингтен өту талаптары жаңартылды
Қазақстанда денсаулық скринингі бағдарламалары жаңартылды.
Астана, NEGE. Денсаулық сақтау министрлігінің мәліметінше, скринингке қатысу жасы 76 жасқа дейін ұлғайтылды. Бұл профилактикалық бағдарламаларға егде жастағы адамдарды көбірек тарту мақсатында енгізілген.
Сонымен қатар, арнайы мамандардың негізсіз консультациялары алынып тасталды. Егер зерттеу нәтижелері қалыпты болса, скринингті мейіргер (дәрігердің кәсіби көмекшісі) басқа мамандарға жолдамай-ақ аяқтауы мүмкін.
Цереброваскулярлық бұзылулардың алдын алу үшін МӘМС-ке 50+ ерлерге арналған жаңа скрининг енгізілді: брахиоцефалиялық тамырлардың ультрадыбыстық зерттеуі екі жылда бір рет жүргізіледі. Қыркүйек айынан бастап онкоскринингтердің барлық кезеңдері ТМККК шеңберінде қолжетімді болды, – делінген хабарламада.
Дәлелді тиімділігі бар зерттеулер енгізілді, соның ішінде: ТТЛП (төмен тығыздықтағы липопротеидтер), триглицеридтер, гликирленген гемоглобин зерттеулері.
