Қазақстанда сабақтан жиі қалатын оқушылар полицияның бақылауына алынады
Қазақстанда 21 қарашадан бастап балаларды есепке алу және мектептегі буллингтің алдын алудың жаңартылған ережелері қолданысқа енгізіледі.
Астана, NEGE. Бұл жөнінде Алматы қалалық балалардың құқықтарын қорғау басқармасы хабарлады.
Жаңа қағидаға сәйкес, 0 мен 18 жас аралығындағы балалардың бірыңғай деректер базасы жүргізіледі. Бұл базаға оқушылар, мектепке дейінгі балалар, оқумен қамтылмаған балалар, сондай-ақ дәлелсіз себептермен жүйелі түрде сабақтан қалатын балалар енгізіледі.
Тұрақты түрде сабақтан қалатын балалар туралы ақпарат ай сайын полициямен келісіліп, әр айдың онына дейін Ұлттық білім беру деректер базасына енгізіледі.
Жәбірлеу туралы түскен ақпаратты білім беруді басқару органдары бір жұмыс күні ішінде тіркеуге тиіс.
Сонымен қатар мектептер психологиялық қолдау ұйымдастыруға міндеттелді.