Қазақстанда риелторларға арналған жаңа ереже енгізіледі

Астана, NEGE. Депутаттың айтуынша, бұған дейін саладағы реттеу тетігі нақты болмағандықтан, жүйелі бақылау жүргізілмей келген. Енді орталықтандырылған тәсіл қалыптасатын болады.

Ал, аталған салаға жауапты уәкілетті орган болып Индустрия және құрылыс министрлігі бекітілді.

Ведомствоаралық деңгейде риелторлар үшін міндетті кәсіби өзін-өзі реттеу жүйесін енгізу туралы шешім қолдау тапты. Бұл – ұзақ жылдар бойы бірыңғай стандартсыз жұмыс істеген сала үшін өте маңызды қадам. Біз бірнеше рет мамандардың бірыңғай тізімі, ашық қағидалар мен азаматтар алдындағы жауапкершілік қажеттігін айтып келдік, енді бұл модельге Үкімет қолдау білдірді, – деп мәлімдеді депутат.

Құспековтің сөзінше, енді кез келген адам өзін риелтор ретінде таныстыра алмайды.

Аталған ұсынысқа қатысты заң жобасы әзірленіп жатыр.