Қазақстанда отбасы омбудсмені пайда болады
Бұл жөнінде Мемлекет басшысы Қасым-Жомарт Тоқаев мәлімдеді.
Астана, NEGE. Оның айтуынша, отбасы омбудсмені Президент жанындағы Әйелдер істері және отбасылық-демографиялық саясат жөніндегі ұлттық комиссия төрағасының бірінші орынбасары ретінде қызмет атқарады.
«Отбасын қорғау мәселелері жөніндегі уәкіл қоғамдық лауазымын енгізу адам құқықтарының қорғалуы мен отбасы институтын күшейтетініне сенімдімін.
Отбасы омбудсмені Президент жанындағы Әйелдер істері және отбасылық-демографиялық саясат жөніндегі ұлттық комиссия төрағасының бірінші орынбасары ретінде қызмет етіп, атқарылған істер туралы Мемлекет басшысына есеп беріп отырады.
Мұндай жүйе тұрмыстық зорлық-зомбылықтың алдын алу шараларын кешенді түрде жолға қоюмен қатар, отбасы саясатындағы басқа маңызды түйткілдерді шешуге мүмкіндік береді», – деді Қасым-Жомарт Тоқаев.
Айта кетейік, бүгін Президент Халықаралық әйелдер күніне арналған салтанатты іс-шарада сөз сөйлеп, әйелдер қауымының ел дамуындағы рөліне тоқталып өтті.
